SOMO LA KWANZA LA UZAZI NA MZUNGUKO WA HEDHI

Katika mizunguko yangu ya kutoa ushauri wa afya kwenye mahusiano nimekutana na watu wengi ambao ninagundua ya kwamba hawajui kuhesabu siku zao za hedhi au hawajui mzunguko wao ni wa siku ngapi. Wanaume wengi ndio hawajui kabisa. Hivyo nimeamua kuandika japo kidogo kuhusu uhesabuji wa siku za hedhi. 

BAADHI YA SABABU ZINAZOPELEKEA WANAWAKE NA VIJANA WA LEO KUTOKUJUA KUHESABU SIKU ZAO ZA HEDHI. 

1- Kupotea kwa elimu ya jando katika makabila yetu 

2- Kupotea kwa elimu ya afya katika mashule na nyumba za kuabudia 

3- Kuwa na familia za kisasa zisizojali maisha ya kiasili ya kifamilia na kujali zaidi maisha ya kisasa 

4- Tabia mbaya kwa vijana kama vile ulevi, usagaji na ndoa za jinsia moja 

5- Upatikanaji hovyo wa dawa za kuzuia mimba 

6- Uvivu na uzembe wa kutokutaka kujifunza 

7- Elimu isiyotolewa kwa mpangalio katika vyombo vya habari na katika mitandao 
Kwa nini ni muhumi sasa uwe na uelewa mzuri wa wa Mzunguko wa Hedhi

1- Ili ujue siku zipi ni muhimu kwa ajili ya kupata mtoto 

2- Ili ujue namna ya kuzuia kupata mimba zisizotarajiwa3- Kuwa Origino

 JE UNAANZIA WAPI KUHESABU SIKU YA KWANZA YA MZUNGUKO WAKO?

Vifaa

3 – ili usibandikwe mimba isiyo yako
VIFAA (HAPA JIANDAE KUANDIKA USIWE MVIVU NDIO UTAELEWA)

– Kalenda

– Peni Nyekundu na Nyeusi#01 Mzunguko wa kawaida wa hedhi ni siku 28 – 32. 

#02 Kama zitakuwa chini ya siku 28 hadi 21 basi huo ni mzunguko mfupi.

#03 Kama zitakuwa zaidi ya 32 -35 huo ni mzunguko mrefu. 
Ili kujua mzunguko wako ni mrefu au ni mfupi ni LAZIMA upate wastani wa mizunguko yako ya hedhi ya miezi mitatu au zaidi. 

#04 Mzunguko wa chini ya siku 20 upo lakini sio mzuri na hautakusaidia kupanga ratiba yako vizuri. 

#05 Na pia mzunguko wa zaidi ya siku 35 sio mzuri.

#06 Alafu kuna wale wasioeleweka kila mwezi mzunguko unabadilika mara unakuwa mrefu, mwezi mwingine mfupi na mwingine wa kawaida.
DOKEZO MUHIMU: Mzunguko wa hedhi hata uwe mrefu, mfupi au wa kawaida au hata usiokuwa unaeleweka bado unayo nafasi ya kushika mimba, wapo wanawake wengi tu wenye mizunguko isiyoeleweka na wana watoto.
MAMBO MAKUU MAWAILI -3- YA KUZINGATIA UNAPOANZA KUHESABU NA KUJUA MZUNGUKO WAKO WA HEDHI 
1- Anza kuhesabu mzunguko wa hedhi yako kuanzia siku ya kwanza umepata hedhi yako (weka alama au zungushia tarehe hiyo na peni nyekundu – kwenye kalenda yako) 

2- Na kisha malizia na siku moja kabla ya kupata hedhi nyingine ya mwezi mwingine. 

3- Mfano umepata hedhi leo tarehe 8/6/2017 basi nenda katika kalenda yako andika/zungushia tarehe nane kama siku ya kwanza ya mzunguko wako wa hedhi, kisha subiria mpaka unapopata hedhi nyingine, kama utapata hedhi nyingine tarehe 06 mwezi wa saba mana yake mzunguko wako wa hedhi wa mwezi wa sita umeisha tarehe 05 mwezi wa 7 na ni mzunguko wa siku 28
MAKUNDI MATATU YA SIKU ZA ZAKO NDANI YA MWEZI 

Ili tuelewane vizuri tutatumia mzunguko wa wastani wa siku 28 ambao umegawanyika katika makundi matatu 

⇛ Siku za hedhi, zinaitwa siku za damu

⇛ Siku za Mimba, zinaitwa siku za Hatari au siku za Uzazi

⇛ Na Siku Zisizokuwa za Kupata Mimba, zinaitwa siku salama
Siku yako ya kwanza ya mzunguko wako wa mwezi ndio siku ya kwanza ya umepata hedhi. Usihesabu kuanzia na siku umemaliza hedhi.
#01: Siku za hedhi au SIKU ZA DAMU katika mzunguko wa siku 28 huwa ni 4-5. Hesabu kuanzia siku ya kwanza umepata hedhi mpaka siku ya mwisho ya kutokwa damu. Zinakuwa siku 4 hadi siku 5 lakini zinaweza badilika hadi 7

#02: Baada ya kumaliza siku 4-5-7 za damu, siku ya 6 hadi 10 NI SIKU AMBAZO kupata mimba NI VIGUMU, ingawa inaweza kutokea ukapata ujauzito. Hizo huitwa siku salama. Pia siku ya 19 hadi siku ya 28 ni siku ambazo sio rahisi au tuseme kwa ujumla haiwezekani kupata ujauzito. Hizo pia huitwa siku salama

#03: Siku ya 10 hadi ya 18 ni siku zenye UWEZEKANO MKUBWA wa kupata mimba. Katika siku hizi kama wewe unatafuta mtoto na huna matatizo yeyote ya kiafya basi inafaa kuongeza bidii katika tendo la ndoa ili kuongeza uwezekano wa kupata ujauzito. Hizi huitwa siku za hatari au siku za uzazi.
NINI HUTOKEA KATIKA MZUNGUKO HUU? 

Kawaida ukipata hedhi basi jua ya kwamba yai lako lilokuwa limekomaa limekosa mbegu ya kiume hivyo ule ukuta uliokuwa umejengwa na damu kwa ajili ya kupokea mtoto na kumkuza umebomoka…. Baada ya hapo mwili unaanza kuandaa yai lingine la mwezi unaofuata.
ANGALIZO 1 – Tangu yai kutoka katika mfuko wake linaweza kukaa masaa 12 hadi siku 1 (masaa 24) likiwa bado linauwezekano wa kurutubishwa na mbegu ya kiume na kuanza kuunda mtoto.

ANGALIZO 2 – Mbegu za kiume zinaweza kaa siku 3 hadi siku  4 zikiwa na uwezo wa kurutubisha yai la uzazi. 
ANGALIZO #1 na ANGALIZO #2 ni muhimu kuzifahamu ili ujue ya kwamba unaweza kosea masaa kadhaa na ukakosa kupata mimba hata kama huna matatizo yeyote ya kiafya au matatizo ya mzunguko wa hedhi. Ndio mana unatakiwa uwe na bidii sana katika tendo la ndoa kuanzia siku ya 11 hadi ya siku ya 18. Na hapa swala la urijali wa mwanaume ni muhimu pia kwa kuwa kama mwanaume utakuwa na mbegu hafifu (infertile and low spermcont) zisizokuwa na mbio, mbegu chache, mbegu zenye kukaa muda mfupi na ambazo hazijakomaa vizuri basi ni rahisi sana kuyakosa masaa hayo ya uhai wa yai. 
KWA NINI SIKU ZA HEDHI HUBADILIKA BADILIKA. 

Katika maisha ya sasa ni rahisi sana siku za hedhi kubadilika kwa sababu mbalimbali lakini sababu kuu ni 

(1) hali ya hewa (mabadiliko ya nchi au kusafiri)

(2) magonjwa na dawa kali za magonjwa

(3) kuvurugika kwa homoni

(3) msongo wa mawazo na unene uliopitiliza. 

(4) Sababu zingine ni pamoja na hizi: 

– Historia ya kutumia madawa makali ya uzazi wa mpango 

– Ulevi, uvutaji sigara na madawa ya kulevya 
USHAURI KUTOKA AFYA YA UZAZI NA USHAURI

1- Kumbuka ya kwamba unaweza kukosa kushika mimba kwa muda hata wa miezi sita lakini wewe na mwenzio mkawa wazima wa afya.  

2- PUNGUZA UNENE: Kama wewe ni mnene na una matatizo ya hedhi, Ukifanikiwa kupunguza uzito, utakuwa umemaliza asilimia kubwa ya matatizo ya hedhi. 

3- Acha kabisa kutumia perfume, vipodozi na madawa ya kuongeza maumbile.

4- TUMIA PEDI ZA NEPLILY. Pedi hizi zimekuwa mkombozi kwa wanawake wengi wa kipato cha chini. Pedi za nepilily ni dawa na ni pedi. Kwa sasa zipo Arusha, DSM, Dodoma, Tanga, Kilimanjaro, Morogoro, Mwanza, Mtwara, Lindi na Mbeya. Kama utapenda kuwa wakala Karibu

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s